[COLOR="Blue"]Berikut ni beberape tips dari ane cara2 ngecek kondisi kaki2 boil kesayangan ente2 semua, akang2 & eneng2 Modcomers...moga2 berguna bagi ente2 semuanya...kalo berkenan, mohon cendol restu nye yeee...matur nuwun pisan, akang2 & eneng2 Modcomers semuanya...


- Bearing Roda

Caranye ngecek kondisi bearing ( laher ) roda boil kesayangan ente, coba dongkrak boil ente ( jangan cuma bisa dongkrak penampilan doank, dongkrak boil juga kudu wajib bisa donk... ) , ampe roda nye bise gelinding bebas di udare. trus...putar roda nye pake tangan ente ame coba dengerin ame seksame, bunyi ape yang muncul waktu rodanye ngegelinding di udare. kalo nyang muncul suare gemuruh, berarti bearing boil ente sudah apkir & mangga mengganti nya ame yang baru...

- Shockbreaker

Caranye nyahoin kondisi shockbreaker boil ente ape mase idup ato uda koit, kecilllllll........lewatin aje boil ente diates polisi ngorok. kalo ngayun nye cuma sekale, artinye shockbreaker boil ente mase sehat wal afiat.... kalo berkale - kale, buang aje ke laot...uda koit tuh...

Kalo ente make shock nye yang tipe coli ( ehhhh....maappppp...tipe oli maksud nye ane... ), cobain aje pelototin di body shock nye, ape ade oli yang ngences. kalo ada yang ngences...buang tu ke laot...uda koit tuh. ame pelototin juge bushing ( stopper ) nye, kalo ude getes ato pecah, masukin di bon ente yang berikut nye yeee...

- Tie Rod ame Long Tie Rod

Kalo yang ini bise aje dilakonin same2. pertame, dongkrakin boil enteampe roda nye bise ngegelinding bebas di udare. udahan nye tu, pegangin tu sisi kiri ame kanan nye pake 2 tangan, trus...goyangin keluar ame kedalem. kalo suara nye klotok2 ame terase oblak, buang langsung jao2 & ganti ame yang baroe...

- Spooring

Nyang ini kudu wajib dilakonin, kalo pas ente lage ngegas boil ente di kecepatan 40 ampe 60 Km/ jam, dengan posisi setir lempeng, trus boil ente narek2 kiri ato kanan, berarti boil ente ude waktunye di spooring, coyyy...

- Velg

Bagian nyang ni lebi nyantai, coy...kalo pas lage ngegas, trus velg ente kerasa goyang, ade kemungkinan velg ente ada yang peang ato retak. solusi nya....perbaiki di workshop ane...

- Rem

Ni die sale sato penyelamat nyawa ente di jalan. pas boil ente lage ngadem anyem, coba ente bejek secare terator pedal rem ente. kalo ade gejale membel, ade kemungkinen ade sedikit udare dalem saluran rem boil ente. terusin nginjek pedal rem ente secare teratur buat ngebuang udare palsu ni...

Trus...coba bejek gas boil ente di kecepaten 40 - 60 Km/ jam, lanjutin ame bejek pedal rem boil ente. rasain berape banyek usaha yang ente lakuin buat nyetopin tu boil. kalo kaki ente ampe bejek pedal nye terlalo dalem dare setelan normal boil ente, ade kemungkinen booster rem boil ente uda inna illahi...

Kalo kakus...ehhhhh...maaap selip koplingnya......maksudnya...kasus nye beda tekanen antare bejekan pertame ame kedue ( bejekan kedue lebi jangkung ), ade kemungkinan minyak rem nye minus. trus...kalo pas pedal rem dibejek, boil ente ngacir ke sato sisi, ade kemungkinan kalipernye ngadat ( cakram ), ato setelan rem kiri kanen nye kaga pas ( teromol )

Sekian beberapa tips dare ane. stay tune for d next update, beibehhhh.... matur nuwun pisan buat perhatian nye ye, akang2 ame eneng2 Modcomers semuanye...
[/COLOR
]